İsraildə fövqəladə vəziyyət elan olundu

Livandakı "İslam Müqaviməti" İsrailin şimalındakı Qərbi Qalileyaya və yəhudi dövlətinin nəzarətində olan Qolan təpələrinə doğru 70-dən çox raket atıb.

Teleqraf.com xəbər verir ki, bu barədə “Times of Israel” nəşri məlumat yayıb.

Nəşr bildirib ki, İsrail ərazisinin atəşə tutulması davam edir.

Bu arada İsrail ordusunun bu səhər Livanda "Hizbullah" hərəkatının hədəflərinə qabaqlayıcı zərbələr endirməsindən sonra yəhudi dövlətinin müdafiə naziri Yoav Qalant növbəti 48 saat ərzində ölkədə fövqəladə vəziyyət elan edib.