Çeçen qadın qızları ilə birgə İŞİD-ə qoşuldu

Hollandiyada yaşayan çeçen qadın iki qızı ilə birgə İŞİD terror qruplaşmasına qoşulmaq üçün Suriyaya gedib.

Teleqraf.com-in məlumatına görə, bu haqda ВВС xəbər yayıb.

Xəbərdə deyilir ki, daha əvvəl onların qəyyumu olan qızların atası bu barədə polisə xəbərdarlıq edib. Çeçen qadın isə oktyabrda təyyarəyə üç elektron bilet alıb.

Ancaq onları dayandırmaq mümkün olmayıb. Güman edirlər ki, onlar saxta pasportlardan istifadə ediblər.

Bu Hollandiyada yaşanmış ilk hadisədir ki, İŞİD-ə qoşulmaq üçün qadın ailəsi ilə birgə Suriyaya yola düşür.