1 May 2015 00:58
589

Almaniya polisi Frankfurt-Maynda radikal cütlüyün planlaşdırdığı terror aktının qarşısını alıb.

APA-nın “RİA Novosti”yə istinadən verdiyi xəbərə görə, polis əməkdaşları şübhəli şəxslərin mənzilinə baxış zamanı kustar üsulla düzəlmiş partlayıcı qurğu, bombanın hazırlanmasında istifadəsi ehtimal olunan maddələr və silah aşkarlayıb. Məlumata görə, bu barədə Frankfurt-Mayn prokurorluğunun nümayəndəsi Albrext Şrayber bildirib.


Onun sözlərinə görə, Oberurzel şəhərciyində Xəlil və Senay D. Türkiyə əsilli cütlüyün mənzilində 100 ədəd 9 mm çaplı patron, partlayıcı qurğunun hazırlanmasında istifadəsi ehtimal olunan 3 litr maye: spirt, aseton və hidrogen peroksidi aşkarlanıb. Həmçinin avtomat silahın detalları aşkarlanıb.


Qeyd edək ki, mayın 1-də Frankfurt-Maynda ənənəvi velosiped marafonu keçiriləcək.


Müəllif: