Yəməndə 135 uşaq həlak olub

Yəməndə münaqişənin eskalasiyası nəticəsində 135 uşaq həlak olub, 260-ı yaralanıb.

Publika.az xəbər verir ki, bu məlumat BMT-nin Uşaq Fondunun (UNICEF) icraçı direktoru Entoni Leykin mayın 24-də Cenevrədə verdiyi bəyanatda yer alıb.

Bəyanatda bildirilir ki, ölən uşaqların sayı gündən-günə artır. Son vaxtlar vəziyyət getdikcə daha da pisləşir. Tərəflər beynəlxalq humanitar hüquqa uyğun olaraq uşaqları münaqişənin zərərlərindən qorumalıdır.

Yaralılara zəruri kömək göstərilməsi üçün heç olmasa “humanitar ara” verilməlidir, uşaqların qorunması üçün isə hərbi əməliyyatlar tam dayandırılmalıdır.