5 Noyabr 2015 13:49
488

Türkiyənin cəhdləri nəticə verdi

PKK terror təşkilatının Suriya qolu olan Demokratik Birlik partiyasının (PYD) hərbi qanadı Xalq Müqavimət Hərəkatını (YPG) silahla təmin etməsi ilə bağlı Türkiyənin ABŞ-a göndərdiyi etiraz nəticə verib.

Teleqraf.com xarici mediaya istinadən xəbər verir ki, ABŞ YPG-yə silah-sursat verməkdən imtina edib. Bununla bağlı Pentaqonun rəsmi nümayəndəsi Albay Stiv Varren keçirdiyi mətbuat konfransında məlumat verib.

Onun sözlərinə görə, bundan sonra göndərdiyimiz silahlar suriyalı müxaliflərə çatacaq: "Əsas siyasətimiz budur. Hazırda Türkiyənin narahatlığı ilə bağlı müzakirələrimizi davam etdiririk. Türkiyə İŞİD ilə mübarizə aparacağımız ən yaxın NATO üzvüdür".

Samir


Müəllif: