İsrail hərbçisi 13 yaşlı fələstinli qızı öldürüb

İsrail hərbçisi ona bıçaqla hücum edən 13 yaşlı fələstinli qızı qətlə yetirib. APA-nın “Röyters”ə istinadən verdiyi xəbərə görə, insident İordan çayının qərb sahilindəki yaşayış məntəqələrinin birində baş verib.

Məlumata görə, İsrail hərbçisi ona doğru qaçan əli bıçaqlı qıza atəş açaraq öldürüb. Hadisə yerinə gələn qızın atası həbs edilib.

İsrail polisinin məlumatına görə, insidentdən əvvəl valideynləri ilə mübahisə etmiş qız özünü öldürəcəyini bildirib və mətbəxdən bıçaq götürərək evi tərk edib.