Putin torpaq paylayır

Hər bir Rusiya vətəndaşı Uzaq Şərq regionunda azı 5 illik havayı 1 hektar torpaq sahəsi ala biləcək.

Teleqraf.com "Azadlıq radiosu"na istinadən xəbər verir ki, Rusiya prezidenti Vladimir Putin müvafiq fərman imzalayıb. Bu barədə prezidentin rəsmi saytında məlumat yerləşdirilib.

Tikinti, fermer təsərrüfatı və digər məqsədlər üçün torpaq almaq istəyənlər ərizə verməlidirlər.

Qanun ölkənin 9 regionuna-Yakutiya, Xabarovsk, Kamçatka və Primorsk diyarları, Maqadan, Amursk, Saxalin vilayətləri, Yəhudi muxtar vilayəti və Çukotsk muxtar dairəsinə şamildir.

Torpaq sahəsi alan şəxslər 5 ildən sonra pul ödəyə, istifadə olunmayacağı halda isə həmin sahə geri alına bilər.