“Onlar qan tökülməsini istəyirlər” – Ermənistan baş naziri

“Ölkədə qan tökülməsini istəyən şəxslər və qüvvələr var”.

Teleqraf.com xəbər verir ki, bunu Ermənistan Baş naziri Nikol Paşinyan deyib.

“Onlar İrəvan küçələrində qan tökülməsini istəyirlər. Bu insanlar 27 oktyabr və 1 mart hadisələrində tökülən qanla doymadılar. Bu insanlar Ermənistanı yeni qan tökülməsinə sürükləmək istəyirlər”, - baş nazir vurğulayıb.

O, Qarabağdakı müharibədən ötən 5 ay ərzində hökumət nümayəndələrinə qarşı aqressiv hücumların təşkil edildiyini bildirib.

Baş nazirin sözlərinə görə, ölkədə aqressiyanın səviyyəsini hər gün artıran qüvvələr var və onlar seçki yox, qan tökülməsini istəyirlər: “Onların bizim hakimlərimiz olmasına icazə verməyəcəyəm. Ancaq bir daha təkrar edirəm, qan istəyən qüvvələr və insanlar var”.