Paşinyanın istefası tələbi ilə aksiya keçirilir

İrəvanın mərkəzi meydanında Ermənistanın baş naziri Nikol Paşinyanın istefası tələbi ilə mitinq keçirilir.

Teleqraf.com erməni mətbuatına istinadən xəbər verir ki, mitinqin aparıcısı Ermənistanın Polşadakı keçmiş səfiri, Konstitusiya Məhkəməsinin keçmiş aparat rəhbəri Edqar Qazaryandır.

Müxalifətin planına əsasən Paşinyan sentyabrın 21-də ya özü istefa verməlidir, ya da parlamentin 1/3 hissəsi ona etimadsızlıq göstərməlidir.

Keçmiş səfir hökumət deputatlarının da Paşinyana etimad göstərməyəcəyini ehtimal edib. Qazaryan üç mitinq keçirməyi planlaşdırdığını açıqlayıb.