Paşinyandan dəhliz açıqlaması: “Bu prinsiplə açmağa hazırıq”

“İndi növbəti addımı atmaq lazımdır: demarkasiyanın əsasını düzəltmək və delimitasiya və demarkasiya işlərinə başlamaq lazımdır”.

Teleqraf.com xəbər verir ki, bunu Ermənistan Baş naziri Nikol Paşinyan deyib.

Ermənistan rəhbəri regionda nəqliyyat marşrutlarının açılmasından danışarkən vurğulayıb:

“10 noyabr üçtərəfli bəyanatda nəzərdə tutulan regionda nəqliyyat əlaqələrinin blokadadan çıxarılmasına gəlincə, bir daha təsdiq edirəm ki, Ermənistan ölkələrin suverenliyi, yurisdiksiyası, qarşılıqlılığı və bərabərliyi prinsiplərinə əsaslanaraq buna hazırdır.

Bir daha vurğulayıram ki, Ermənistan ərazisindən keçən istənilən dəhliz məntiqi qəbuledilməzdir”.