Rusiyadan Ermənistana şok – “Dayandırılmalıdır”

Rusiya bankı VTB-nin İdarə Heyətinin sədri Andrey Kostin rublun xaricə ixracı üçün boşluqları bağlamağı təklif edib.

Teleqraf.com xəbər verir ki, bank rəhbəri bu məqsədlə Ermənistana pul axınının qarşısını almağı məqsədəuyğun sayır.

“Başa düşməlisiniz ki, sülh dövründə yaşamırıq, əlavə tədbirlərə (rublu dəstəkləmək üçün) ehtiyacımız var.

Tutaq ki, siz xaricə pul köçürmək qərarına gəldiniz, ayda 1 milyon dollarlıq limit var, ancaq rublla istədiyiniz qədər köçürə bilərsiniz. Bundan sonra nə olacaq? Siz Ermənistana bir milyard köçürdünüz, o da dərhal dollar şəklində qaytarılır. Məsələn, bu bağlanmalıdır”, - Kostin bildirib.