Təlimat gəldi - Moskvanın İrəvandakı adamı hərəkətə keçdi

İrəvan şəhərinin keçmiş meri Hayk Marutyan Rusiyanın təlimatı ilə “Yeni Güc” adlı partiya qurur.

Teleqraf.com xəbər verir ki, bu barədə erməni deputat Qaqik Melkonyan bildirib.

“Rusiya dedi ki, bunu et, o da edir. İndi bizi hər tərəfdən sındırmağa çalışırlar”, - deputat söyləyib.

Melkonyan Marutyanın rəhbərlik edəcəyi yeni partiyanın hökumətlə mübarizə aparacaq gücdə olub-olmayacağı məsələsinə də toxunub:

“Belə gücləri yoxdur, indiyədək 100 beləsi gəlib-gedib. Sonda ona yaxın adam bir-birinə sıxılıb qalıb. Bunu edənlər həmin qüvvələrdir”.

Yeni partiyanın qurultayı mayın 1-də keçiriləcək.