KTMT-dən İrəvana tələb: “Son qərarınızı verin”

KTMT Ermənistan qarşısında bütün öhdəliklərini saxlayır, ölkə təşkilatın müttəfiqi olaraq qalır.

Teleqraf.com xəbər verir ki, bunu KTMT baş katibi İmanqali Tasmaqambetov deyib.

“Ermənistan KTMT-də müttəfiqimiz olub və olaraq qalır və Ermənistan qarşısında götürdüyümüz bütün öhdəliklərə əməl olunur. Amma quruma qatılma məsələsi ölkənin suveren hüququ və qərarıdır”, - baş katib bildirib.

Onun sözlərinə görə, KTMT İrəvanın Ermənistanın qurumdakı statusuna aydınlıq gətirəcəyini gözləyir.

“Düşünürəm ki, Ermənistanın siyasi rəhbərliyi vəziyyətə aydınlıq gətirəcək və təşkilatın üzvü kimi qalıb-qalmamaq barədə rəsmi qərar olacaq”, - Tasmaqambetov vurğulayıb.