Terror qurbanları ilə bağlı ilginc məlumatlar - FOTOLAR

İstanbulun Atatürk hava limanında baş verən terror aktında həyatını itirən 41 nəfərdən bəzilərinin kimliyi açıqlanıb.

Teleqraf.com həmin şəxslərlə bağlı məlumatları təqdim edir:

1. Yusuf Haznedaroğlu - aeroportda mütəxəssis kimi işləyib. 10 gündən sonra toy mərasimi olmalı idi.

2. Göksel Kurmaz - xarici ölkələrdən birindən qayıdan müdirini qarşılamaq üçün Atatürk hava limanına getmişdi.

3. Umut Sakaroğlu - gömrük mühafizə xidmətinin işçisi olub. Hadisə zamanı terrorçunu öldürsə də, partlayış zamanı həyatını itirib.

4. Özgül İde - Turizm və otelçilik fakültəsinin məzunu olub. Bir müddət öncə bu hava limanında işə başlamışdı.

5. Ertan An - tərcüməçiliklə məşğul olub. Bələdçilik etdiyi turistləri yola salmaq üçün Atatürk hava limanına gəlib. Bir uşağı var, həyat yoldaşı 6 aylıq hamilədir.

6. Erol Eskisoy - taksi sürücüsü olub. Müştərisini hava limanına gətirərkən, terrorun qurbanı olub.

Qeyd edək ki, ölənlərdən 13-ü əcnəbidir. Ölən əcnəbilərdən 5-i Səudiyyə Ərəbistanı, 2-si İraq, 1-i Tunis, 1-i Özbəkistan, 1-i Çin, 1-i İran, 1-i İordaniya və 1-i Ukrayna vətəndaşıdır.

Samir