Lənkəranskinin qatili deyilən şəxsi tanıyın - FOTO

Türkiyədə öldürülən Rövşən Canıyevin (Rövşən Lənkəranski) qətlində şübhəli bilinən daha bir avtoritetin fotosu üzə çıxıb. Qətldə 4 nəfər şübhəli bilinir. Bunlar qətl törədilən vaxt R.Lənkəranskinin olduğu avtomobilin sürücüsü Tahir Can, killerləri Hacıbaba Talıxxanlı (Beyləqanski), Zaur İ. və Vahid M-dir.

Tutulanlardan yalnız Hacıbaba Beyləqanskinin fotosu yayılıb.

Criminal.az saytı R.Lənkəranskinin qətlində şübhəli bilinən Vahidin fotosunu əldə edib. Həmin foto bu il yanvarın 21-də Türkiyədə Lənkəranskinin ad günü məclisində çəkilib.

Xatırladaq ki, hadisə ilə bağlı Tahir C., Hacıbaba.T. ,Zaur İ. və Vahid M. şübhəli qismində saxlanılıb. Məlumata görə, polis tərəfindən aparılan istitaq işi tamamlandıqdan sonra şübhəlilər məhkəməyə göndərilib. İstintaq zamanı bu cinayətin çoxyönlülüyü məlum olub. Rusiyada işlətdiyi cinayətlərlə bağlı Hacıbaba T. -nın axtarıldığı da bildirilir.

Polisin məlumatına görə, 2013-cü ildə Başakşehirdə öldürülən Ali Baba Qametovun qətli ilə bağlı Rövşən Lənkəranski və Hacıbaba T. İstanbul polisi tərəfindən axtarılırmış.

Qeyd edək ki, avqustun 18-də Rövşən Lənkəranski İstanbulda Yıldız məhəlləsində aldığı çoxsaylı güllə yaraları nəticəsində xəstəxanada vəfat edib. Lənkəranski ilə güllələnən və hazırda yaralı olan şəxs Mais Axundovdur. Uzun illər Ukraynada yaşayan M.Axundov R.Lənkəranskinin qohumudur. Eyni zamanda Lənkəranskinin mühafizəçisi işləyirdi. M.Axundov R.Lənkəranskiyə silahlı hücum zamanı avtomobildə olub və bir neçə güllə yarası alıb. Ağır vəziyyətdə xəstəxanaya çatdırılan M.Axundov hazırda müalicə olunur.

Fotoda ortada Hacı, sol tərəfdəki isə Vahiddir.