Binə ticarət mərkəzində yanğın söndürüldü - YENİLƏNDİ

“Binə” ticarət mərkəzində baş vermiş yanğın söndürülüb. Bu barədə FHN məlumat yayıb.

***

10:56

Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə Bakının Qaradağ rayonunda “Binə” ticarət mərkəzində yanğının baş verməsi barədə məlumat daxil olub.

Teleqraf.com FHN-in saytına istinadla xəbər verir ki, Nazirliyin Dövlət Yanğından Mühafizə Xidmətinin canlı qüvvə və texnikası dərhal hadisə yerinə cəlb olunub.

Yanğının söndürülməsi istiqamətində işlər davam etdirilir.

Nazirlik əlavə məlumatın veriləcəyini bildirib.

Hacı Zeynalov​