Sankt-Peterburq terrorçusunun görüntüsü yayıldı - FOTO

Sankt-Peterburq metrosunda partlayış törətdiyi ehtimal edilən terrorçunun fotosu yayılıb.

Teleqraf.com xəbər verir ki, həmin şəxsin görüntüləri video nəzarəti həyata keçirən kameralardan götürülüb.

Hadisə şahidlərinin söylədiyinə görə, bu şəxs vaqonda özü ilə bərabər gətirdiyi bel çantasını yerə qoyub və dərhal oranı tərk edib. Həmin adam qara rəngdə paltar geyinib və saqqalda olub.

İlkin məlumatlara görə, dağıdıcı elementlərlə doldurulmuş partlayıcı qurğu qatarın vaqonuna portfeldə qoyulub.

Partlayıcı qatar “Texnologiya institutu” stansiyasının platformasında dayanarkən partlayıb.

Xatırladaq ki, son məlumata görə, partlayış nəticəsində 10 nəfər ölüb, 47 nəfər yaralanıb.

Rusiya Milli Antiterror Komitəsi (MAK) bildirib ki, daha bir partlayıcı qurğu "Üsyançılar meydanı” stansiyasında aşkar edilib. Bomba zərərsizləşdirilib.