Qaçqın statusu almış əcnəbilərlə görüş keçirildi – DMX

Ramazan bayramı münasibətilə ölkəmizdə qaçqın statusu almış xarici ölkələrdən olan şəxslərlə beynəlxalq və yerli tərəfdaşlarımızla birgə görüş keçirdik.

Teleqraf.com xəbər verir ki, bu barədə Dövlət Miqrasiya Xidmətinin (DMX) rəisi Vüsal Hüseynov məlumat verib.

O, qeyd edib ki, görüşdə qaçqınları narahat edən məsələlər üzrə müzakirə aparılıb, müraciətləri dinlənilib: “Qeyd edim ki, Dövlət Miqrasiya Xidməti ölkəmizdə əcnəbilərə qaçqın statusunun verilməsi, bu şəxslərin qəbul edilməsi, yerləşdirilməsi və digər əlaqəli məsələlər üzrə səlahiyyətli qurumlardan biridir”.