Problemli kreditlərlə bağlı fərmanın əsas incəlikləri - İzah

Prezident İlham Əliyev bu gün fiziki şəxslərin problemli kreditlərinin həlli ilə bağlı əlavə tədbirlər haqqında fərman imzalayıb.

Teleqraf.com fərmandan irəli gələn əsas məqamları təqdim edir:

- Fərman yalnız dollarla kredit götürənlərə, ancaq fiziki şəxslərə aiddir,

- Fərman yalnız ana borc 10 min dollara qədər olan kreditlərə aiddir,

- Fərmanla ödəniləcək kompensasiyalar 5000 dollardan çox olmamalıdır,

- Fərmanla problemli kreditlərə bu günə qədər hesablanmış faiz və dəbbələr silinir,

- Fərmanla 2015-ci il fevralın 21-nə qədər 10000 dollara qədər xarici valyutada mövcud olan əsas kredit borcunun 1-ci devalvasiyadan dəymiş ziyan – yəni hər dollara 25 qəpik və faizlər dövlət tərəfindən ödəniləcək, yerdə qalan ana borc köhnə məzənnə ilə ödəniləcək,

- 2015-ci il fevralın 22-dən həmin il dekabrın 21-dək bağlanmış kredit müqavilələri üzrə xarici valyutada əsas kredit borcun üzərinə gəlmiş məzənnə fərqi – yəni hər dollara görə 60 qəpik və faizlər dövlət rərəfindən ödəniləcək,

- 2-ci devalvasiyadan sonra götürülmüş kreditlərə fərman aid edilməyəcək,

- Fərmanla güşəztə düşın kreditlərlə bağlı bankların vətəndaşlara qarşı məhkəmələrdə qaldırılan iddilar geri çəkiləcək.