Çavuşoğlu Ermənistana çağırış etdi - “Ağlını başına yığ”

Türkiyənin Xarici İşlər naziri Mövlud Çavuşoğlu Ermənistanın Azərbaycanla sərhəddə törətdiyi növbəti təxribatla bağlı rəsmi feysbuk hesabında paylaşım edib.

Teleqraf.com xəbər verir ki, o, təxribat nəticəsində hərbi qulluqçumuz Məmmədov Elşən Əli oğlunun şəhid olmasına görə Azərbaycan xalqına başsağlığı verib:

"Ermənistanın hücumu nəticəsində bu gün şəhid olan kiçik çavuş Məmmədov Elşən Əli oğluna Allahdan rəhmət, ailəsi və qardaş Azərbaycana başsağlığı verirəm. Ermənistanı hücuma son verərək ağlını başına yığmağa çağırıram. Can Azərbaycanın haqlı davasına daima yanındayıq".