Düşmən növbəti dəfə Gəncəni raketlə vurdu: 5 ölü, 35 yaralı

Ermənistan silahlı qüvvələri tərəfindən Gəncə şəhəri növbəti dəfə raket atəşinə tutulub.

Teleqraf.com xəbər verir ki, atəş nəticəsində bir sıra yaşayış binaları dağılıb.

İlkin məlumata görə, raket hücumu nəticəsində 5 nəfər həlak olub, 35 nəfər yaralanıb. Yaralılar xəstəxanalara çatdırılıb.

Dağıntılar altında qalanların olduğu ehtimal edilir.