14 Aprel 2021 17:10
629
12 Punto 14 Punto 16 Punto 18 Punto

Türkdilli Dövlətlərin Əməkdaşlıq Şurası (Türk Şurası) ölkələrinin futbol federasiyaları arasında əməkdaşlıq barədə saziş imzalanıb.

Teleqraf.com-un məlumatına görə, sazişə əsasən, təşkilatın üzv ölkələri arasında turnirlərin, yoldaşlıq görüşlərinin, birgə təlim-məşq toplanışlarının keçirilməsi nəzərdə tutulur.

Bundan başqa, saziş uşaq futbolu, tədris, hakimlik sahələrində əməkdaşlığı nəzərdə tutur.

Sazişi Azərbaycan Futbol Federasiyaları Assosiasiyasının prezidenti Rövnəq Abdullayevlə yanaşı, Türkiyə, Qırğızıstan, Qazaxıstan, Türkmənistan, Özbəkistan və Macarıstan futbol federasiyalarının rəhbərləri imzalayıb.

İmzalanma mərasimində, həmçinin Türk Şurasının baş katibi Bağdad Amreyev də iştirak edib.


Müəllif: Teleqraf.com