Türkiyə ilə hərbi əməkdaşlıq genişləndirilir - Zakir Həsənov

"Azərbaycanın müdafiə qüdrətinin artırılması məqsədilə hərbi, hərbi-texniki, hərbi təhsil sahələrində Türkiyə ilə əməkdaşlıq genişləndirilir və bu, bölgədəki sabitliyi təmin edən mühüm amillərdəndir".

Teleqraf.com xəbər verir ki, bunu Azərbaycan müdafiə naziri general-polkovnik Zakir Həsənov Türkiyə milli müdafiə nazirinin müavini Muhsin Derenin rəhbərlik etdiyi nümayəndə heyəti ilə görüşdə deyib.

Azərbaycan Prezidenti, Silahlı Qüvvələrin Ali Baş Komandanı İlham Əliyevin komandanlığı altında Azərbaycan Ordusunun Vətən müharibəsində qazandığı şanlı qələbənin Azərbaycan xalqı üçün tarixi əhəmiyyətini xüsusi vurğulayan nazir qardaş Türkiyənin göstərdiyi dəstəyə görə öz minnətdarlığını bildirib.