Türk mətbuatı vurulan erməni helikopterindən yazdı

Türkiyənin Anadolu agentliyi Dağlıq Qarabağda Azərbaycan silahlı qüvvələri tərəfindən vurulan erməni helikopterindən yazıb.

AzNews.az xəbər verir ki, agentliyin yaydığı məlumat Azərbaycan Müdafiə Nazirliyinin mətbuat xidmətinə istinadən verilib.

Məlumatda deyilir ki, erməni helikopterləri 3 gündür ki, Qarabağda uçuşlar həyata keçirib və onlardan biri Azərbaycan səmasına daxil olub.

Ağdam rayonunun Kəngərli kəndi yaxınlığında vurulan helikopterin təmas xəttində yerə düşərək yandığı deyilir.