Ağdam yolu ilə Xankəndiyə nə aparılıb? - “Yenə gətirəcəklər”

Beynəlxalq Qızıl Xaç Komitəsinin yük maşınları Xankəndiyə Ermənistan istehsalı olan 23 tona yaxın un gətirib.

Teleqraf.com xəbər verir ki, bu barədə separatçıların “informasiya mərkəzi” məlumat yayıb.

Yüklərin Ağdam-Xankəndi yolu ilə çatdırıldığı bildirilir. Məlumatda humanitar yükə Rusiya və İsveçrə istehsalı tibbi-gigiyena ləvazimatlarının da daxil olduğu deyilir.

“Bir neçə gündən sonra Rusiyanın Rostov şəhərindən eyni istiqamət üzrə yenidən BQXK-nin maşınları ilə yük daşımaları planlaşdırılır”, - məlumatda deyilir.