Zahid Oruc Bərdədə - FOTOLAR

Prezidentin tapşırığı ilə Qarabağın növbəti yaşayış məntəqəsində, əslində, səngərində növbəti ümumxalq tədbiri keçirilir. Sovetlər Birliyinin çökməsindən sonra nəhayət, növbəti yaşayış məntəqəsinə - 645 şəxsi təsərrüfata mavi yanacaq verilir.

Axar.az xəbər verir ki, bu sözləri Bərdə rayonu Mustafaağalı kəndində qaz açılışı mərasimində çıxış edən millət vəkili Zahid Oruc deyib. Millət vəkili vurğulayıb ki, Aprel döyüşlərində şəhid verən Mustafaağalı kəndi bütün Azərbaycan kimi ayaq üstə idi: “Torpaqlarımızın işğaldan azad olunması yolunda qəhrəman oğullarımızdan birini yetirən valideynlər, onların həmyerliləri qürurla qalibiyyət üçün Vətən torpağına qarışan övladımıza görə fəxr hissi keçirirdilər. Soyuğa düşmən demək olmaz, lakin evlərdə istilik olmayanda hər kəsin başlıca qayğısını bu problem təşkil edir. Kənd sakinlərinin həyatında əlamətdar hadisəyə çevrilən “isti ocaq” mərasimində çıxış edən hər kəs dövlətimizin müstəqilliyinin daimi və əbədi olmasını diləyirdi. Təminatı və rifahı yüksək olan millət evini səngərə çevirib düşmən qarşısında özünü güclü sayır”.