64 nəfərin həyatına son qoyan yanğının başlama anı - Video/Yeni

25.03. 18. Saat 18:15

Rusiyanın Kemerova şəhərində yerləşən ticarət mərkəzlərindən birində güclü yanğın baş verib.

Teleqraf.com TASS agentliyinə istinadla xəbər verir ki, hadisə zamanı azı 4 nəfər həlak olub. Onlardan 3-ü azyaşlıdır. Olay nəticəsində 26 nəfər müxtəlif dərəcəli bədən xəsarətləri alıb.

Yerli mənbələr 11-i uşaq olmaqla 17 nəfərin itkin düşdüyünü bildirib. Ölən uşaqlar və qadın yanğın zamanı ticarət mərkəzindəki uşaq əyləncə otağında olub.

Bundan başqa, ticarət mərkəzində yerləşən kinoteatrların tavanı çöküb.

Yanğının səbəbi məlum deyil.

***

19:57

Rusiyanın Kemerova şəhərində yerləşən ticarət mərkəzlərindən birində yanğın nəticəsində ölənlərin sayı 5-ə çatıb.

Məlumatlara görə, hadisə zamanı 19-u uşaq olmaqla 35 nəfər itkin düşmüş hesab edilir.

***

23:18

Kemerova şəhərində yerləşən ticarət mərkəzində baş verən dəhşətli yanğında ölənlərin sayı 7-yə çatıb.

Hadisə nəticəsində 40-ı uşaq olmaqla 69 əfərin taleyi ilə bağlı heç bir məlumat yoxdur.

***

Rusiyanın Kemerovo şəhərində ticarət mərkəzində baş verən yanğın nəticəsində ölənlərin sayı 35 nəfərə çatıb.

Bununla bağlı Rusiyanın "Ren TV" telekanalı məlumat yayıb. Hadisə zamanı 43 nəfər xəsarət alıb.

***

26.03.18. Saat 09:26

Rusiyanın Kemerovo şəhərində yerləşən "Zimnaya vişnya" ticarət-əyləncə mərkəzində ("Qış albalısı") baş vermiş güclü yanğın söndürülüb.

Teleqraf.com-un məlumatına görə, yanğın nəticəsində ölənlərin sayı 48 nəfərə çatıb.

Bundan əvvəl yanğın zamanı 37 nəfərin öldüyü bildirilimişdi, daha sonra ticarət mərkəzinin kino zalının ərazisində 11 nəfərin meyiti tapılıb.

Hadisə zamanı 27 nəfər itkin düşüb.

***

10:11

Rusiyanın Kemerovo şəhərində ticarət mərkəzində baş verən yanğında ölənlərin sayı 53 nəfərə çatıb. İtkin düşənlərin sayı isə 16 nəfədir.

"Ria Novosti" yanğınla bağlı 4 nəfərin saxlanıldığını bildirib.

Onların arasında ticarət mərkəzinin rəhbəri də var.

***

Rusiyanın Kemerova şəhərindəki ticarət mərkəzində baş verən dəhşətli yanğın nəticəsində ölənlərin sayı 64-ə çatıb.

Məlumatlara görə, hadisə zamanı 50 nəfər müxtəlif dərəcəli bədən xəsarətləri alıb, 10 nəfərin taleyi isə naməlum olaraq qalıb.

Bu arada, yanğının başlama anı ticarət mərkəzindəki təhlükəsizlik kamerasına əks olunub.

Həmin dəhşətli görüntüləri təqdim edirik: