Bakıda taksi sürücüsü ağır qəza törətdi: 1 ölü

Bakının Nizami rayonunda ölümlə nəticələnən yol-nəqliyyat hadisəsi baş verib.

Teleqraf.com xəbər verir ki, rayonun Nəsimi küçəsində Bakı şəhər sakini İsrafil Qurbanov idarə etdiyi “London taxi” markalı avtomobillə yolu keçən paytaxt sakini Hidayət Məmmədovu vurub.

Nəticədə piyada hadisə yerində ölüb.

Faktla bağlı Nizami rayon Polis İdarəsi tərəfindən araşdırma aparılır.