14 Mart 14:03

Bakının Sabunçu rayonunda oğurluq hadisəsi baş verib.

Teleqraf.com xəbər verir ki, martın 11-nə keçən gecə Maştağa qəsəbəsi ərazisindəki mağazaların birindən 3000 manat dəyərində ərzaq məhsulları və tütün məmulatı oğurlanıb.

14-cü polis bölməsi əməkdaşlarının keçirdiyi əməliyyat nəticəsində oğurluğu törətməkdə şübhəli bilinən Lənkəran şəhər sakini R.Ağacanov saxlanılıb.

İstintaq araşdırması zamanı onun əvvəllər də məhkum olunduğu üzə çıxıb.

Faktla bağlı cinayət işi başlanıb.


Müəllif: Hacı Zeynalov
loading...