Mərdəkanda dəhşətli qəza: Ölən və yaralananlar var

Bakının Xəzər rayonunda ağır yol-nəqliyyat hadisəsi baş verib.

Daxili İşlər Nazirliyinin mətbuat xidmətindən Teleqraf.com-a verilən məlumata görə, hadisə rayonun Mərdəkan qəsəbəsi ərazisində qeydə alınıb.

Bakı şəhər sakini F.Məmmədov idarə etdiyi “Volkswagen” markalı avtomobili yol ayırıcısına vurub.

Nəticədə sərnişini olan paytaxt sakini İsmayıl Şükürlü hadisə yerində ölüb, sürücü isə xəstəxanaya yerləşdirilib.

Faktla bağlı Xəzər rayon Polis İdarəsi tərəfindən araşdırma aparılır.