Bakıda iki nəfər bıçaqlandı

Bakının Sabunçu rayonunda bıçaqlanma hadisəsi baş verib.

Teleqraf.com xəbər verir ki, rayonun Zabrat qəsəbəsində 1995-ci il təvəllüdlü Amin Sadıqzadə naməlum şəxslə əlbəyaxa dava edib.

Dava zamanı Amin Sadıqzadə həmin şəxs tərəfindən bıçaqlanıb. Yaralı xəstəxanaya yerləşdirilib, ona tibbi yardım göstərilib.

Daha bir bıçaqlanma hadisəsi Binəqədi rayonunda qeydə alınıb.

Rayonun 8-ci mikrorayon ərazisində yerləşən restoranların birində baş verən dava zamanı 1998-ci il təvəllüdlü Əvəz Şıxməmmədov xəsarət alıb. Yaralı xəstəxanaya çatdırılıb, ona tibbi yardım göstərilib.

Hər iki faktla bağlı cinayət işi başlanıb.