Sağ müxalifət kommunistlərə lağ elədi

Böyük Azərbaycan Partiyasının sədri Elşad Musayev kommunistlərə lağ edib.

Teleqraf.com xəbər verir ki, buna səbəb solçuların may ayı ərzində iki dəfə bayram keçirməsidir. Xatırladaq ki, mayın 1-də sol ideologiyaya bağlı olduğunu elan edən partiyalar və şəxslər ayrı-ayrılıqda zəhmətkeşlərin bayramını qeyd ediblər. Mayın 9-da isə böyük vətən müharibəsinin növbəti ildönümü qeyd olunacaq. Son illər arada görünməyən, ancaq mətbuatda səsi çıxan kommunistlərin bir qədər fəallaşması sağ mərkəzçi partiyaları narahat edib.

Bu səbəbdən də Elşad Musayev onlara lağ edərək qış yuxusuna getmiş şəxslər adlandırıb.

Cavidan