Astarada qəza - sərnişin həlak oldu

Astarada yolsuzluq şəraitində yük avtomobili qəzaya uğrayıb.

Teleqraf.com xəbər verir ki, rayonun Pəlikeş kəndi ərazisində yolsuzluq şəraitində 1989-cu il təvəllüdlü Ələmdar Seyfəddin oğlu Əzizovun idarə etdiyi "QAZ-66" markalı yük avtomobili idarəetmədən çıxaraq yaşayış evinin həyətinə aşıb. Maşının yoldan çıxdığını görən sərnişin, sürücünün qaynı, rayonun Dürriyə kənd sakini, 1988-ci il təvəllüdlü Tarif Rakif oğlu Sovqatov özünü yük avtomobilindən çölə atıb. Nəticədə ağır bədən xəsarətləri alan sərnişin xəstəxanaya aparılarkən yolda dünyasını dəyişib. Meyit aidiyyəti üzrə təhvil verilib.

Qəza nəticəsində xəsarət alan sürücü Lənkəran Rayon Mərkəzi Xəstəxanasına yerləşdirilib.

Faktla bağlı araşdırma aparılır.