10 Mart 12:38
300
12 Punto 14 Punto 16 Punto 18 Punto

Qusar rayon polis şöbəsinin əməkdaşlarının keçirdikləri əməliyyat-axtarış tədbirləri nəticəsində rayon ərazisində quldurluq etməkdə şübhəli bilinən şəxslər saxlanılıblar.

Teleqraf.com xəbər verir ki, bu barədə Daxili İşlər Nazirliyinin mətbuat xidmətinin Quba regional qrupu məlumat yayıb.

Keçirilmiş əməliyyat-axtarış tədbirləri nəticəsində quldurluq etməklə zərərçəkmişə ümumilikdə 2000 ABŞ dolları və 190 manat ziyan vurmaqda şübhəli bilinən rayon sakini Zərbəli Çigəliyev və Şirvan şəhər sakini Xəqani Günəşov saxlanılıblar.

Həmin şəxslərin zərərçəkmişə məxsus evə gizlin daxil olaraq hədə-qorxu gələrək quldurluq etmələri müəyyən edilib.

Faktla bağlı Qusar rayon polis şöbəsində cinayət işi başlanılıb.

Məhkəmənin qərarı ilə həmin şəxslər barəsində həbs qətimkan tədbiri seçilib.


Müəllif: Hacı Zeynalov