Yarmarkada balçılar arasında dava düşdü - Video

Bakıda keçirilən bal yarmarkasında balçılar arasında dava düşüb.

Teleqraf.com xəbər verir ki, bu barədə görüntülər Bakı.vs-nin "qaynar xətt"inə daxil olub.

Hadisə şahidlərinin sözlərinə görə, dava Nərimanov rayonu, Fətəli xan Xoyski küçəsi, 5 ünvanında təşkil olunan bal yarmarkasında yer üstündə baş verib. İddiaya görə, balçılardan biri digərinin bron etdiyi yeri pulla alıb.

Məsələ ilə bağlı Aqrar Tədarük və Təchizat ASC-nin mətbuat xidmətindən bildirilib ki, hadisə yer üstündə baş verməyib:

"Dava səyyar bal ticarəti ilə yarmarka iştirakçıları arasında yaranıb".

Qeyd edək ki, paytaxtda bal yarmarkası oktyabrın 1-dən etibarən Nərimanov rayonu, Fətəli xan Xoyski küçəsi, 5 ünvanında (“Gənclik” metro stansiyasının yaxınlığı) fəaliyyətə başlayıb. Yarmarka oktyabrın 20-dək davam edəcək.

.