Sumqayıtda arvadını öldürən kişinin işi - Məhkəmədə

Sumqayıtda həyat yoldaşını qətlə yetirməkdə ittiham olunan Taleh Əhmədovun cinayət işi üzrə ibtidai istintaq başa çatıb.

Teleqraf.com xəıbər verir ki, cinayət işi materialları baxılması üçün Sumqayıt Ağır Cinayətlər Məhkəməsinə göndərilib.

İş araşdırılması üçün Hakim Aynur Rzayevanın icraatına verilib.

Yaxın günlərdə məhkəmə başlanacaq.

Qeyd edək ki, bu ilin fevralın 19-da Sumqayıt şəhəri, 6-cı mikrorayon ərazisində yerləşən evlərin birində 1995-ci il təvəllüdlü Samirə Məmmədzadənin ölməsinə dair məlumat daxil olub.

İkin araşdırma zamanı zərərçəkmişin əri, 1982-ci il təvəllüdlü Taleh Əhmədov tərəfindən kəsici-deşici alətlə öldürülməsinə əsaslı şübhələr müəyyən edilib. Taleh Əhmədov könüllü olaraq istintaqa təslim olub.

Ona qarşı Cinayət Məcəlləsinin 120.2.4-cü (xüsusi amansızlıqla və ya təhlükəli üsulla adam öldürmə) maddəsi üzrə ittiham irəli sürülüb.