İtkin düşən şəxsin meyiti tapıldı - Foto

Qax rayonunda 11 gün əvvəl itkin düşən İlisu kənd sakini, 30 yaşlı Rəhman Sədrəddin oğlu Kamallının meyiti tapılıb.

Teleqraf.com xəbər verir ki, meyit İlisu-Sarıbaş yolunda, Dağküsən dağı ərazisində aşkarlanıb.

Rəhman Kamallının meyitini dağlıq ərazidən endirmək üçün əraziyə İlisu kənd sakinləri, mərhumun yaxınları və müvafiq qurumların nümayəndələri gediblər.

Qeyd edək ki, Rəhman Kamallı iyulun 23-ü günorta saatlarında rayonun Sarıbaş kənd sakini olan Ramazan adlı çobanla Alagöz dağındakı yaylağa gedərkən itkin düşüb. İyulun 24-dən onun axtarışlarına Fövqaladə Hallar Nazirliyinin Şimal-qərb Regional Mərkəzinin xilasetmə qüvvələri, Qax rayon Polis Şöbəsinin əməkdaşları və ərazini yaxşı bilən İlisu, Ağçay və Sarıbaş kənd sakinləri qoşulmuşdu.