“Qarabağ”lı futzalçılar həvəskarlar liqasında

Moskvanın "Qarabağ" futzal komandası ötən mövsüm həvəskərlər arasında şəhərin Şərq divizionunda qalib olmuşdu. Təəssüf ki, maliyyə problemləri ucbatından komanda Rusiyanın futzal üzrə yüksək liqasında çıxış edə bilməyib.

Goal.az saytına daxil olan məlumata görə, komanda bu il yenidan həvəskər liqasinda öz qüvvəsini sınayacaq. "Qarabağ"ın növbəti ünvanı Moskvanın qərb divizonu olacaq. Komandanın heyəti gücləndirilib. Yeni qapıçı - Andrey Tveryankintransfer edilib. Bundan başqa, Azərbaycan çempionatının birinci dəstəsində mübarizə aparan "Şəmkir"dən Elsəvər Bəkirzadə, "Xəzər adaları"dan (futzal komandası) Vüsal Nəsirov və "Sabirabad" komandasından İlqar Ağazadə heyətə cəlb olunub.

Qeyd edək ki, çempionat oktyabrın 8-i saat 19-00 başlayacaq.