Həmyerlimiz Rusiya çempionu oldu

Azərbaycan əsilli idmançı Elnur Səmədov yüngül çəkidə peşəkarlar arasında boks üzrə Rusiya çempionu olub.

Teleqraf.com "TASS"a istinadla xəbər verir ki, Elnur Səmədov Ümumrusiya Boks Forumu çərçivəsində Anapada keçirilən görüşdə Visxan Murzabekovu məğlub edib.

10 raundluq təkbətək döyüşdə qələbə çalan 25 yaşlıboksçu apreldə Prezident Kubokunun yarımfinalında erməni əsilli Ayk Şahnazaryanla üz-üzə gələcək.

Elnur Səmədovun aktivində bir nokautla 8 qələbə və 1 məğlubiyyət var.

Qeyd edək ki, Elnur Səmədov Astara rayonunun Şahağacı kəndində anadan olub.