"Barselona"nın futbolçusu uğrunda Mançester derbisi

"Barselona"nın futbolçusu Pedro Rodriqes əvvəlki kimi "Mançester Yunayted" və "Mançester Siti"nin maraq dairəsindədi.

Teleqraf.com xəbər verir ki, bu barədə "El Mundo Deportivo" məlumat yayıb. "Qırmızı şeytanlar" 28 yaşlı ispan oyunçu üçün qarşı tərəfə 25 milyon avro və üstəlik 5 milyon bonus təklif edib.

"Şəhərlilər" isə Pedroya görə 30 milyon və bonuslar şəklində 2 milyon ödəməyə hazır olduqlarını bildiriblər.

Təcrübəli oyunçunun müqaviləsindəki sərbəst qalma maddəsinin dəyəri 30 milyon avrodu. Ancaq qəzet yazır ki, Pedro uğrunda mübarizədə "Mançester Yunayted" favoritdi. Hətta tərəflər arasında şəxsi müqavilənin razılaşdırıldığı bildirilir.

Transfer danışıqlarının "Barselona"yla "Atletik" arasında 14 və 17 avqust tarixlərində keçiriləcək İspaniya Superkuboku oyunlarından sonra davam edəcəyi qeyd olunub.

Rüstəm