16 Sentyabr 21:19

Azərbaycan və Türkiyə preferensial ticarət barədə saziş imzalayacaq.

Teleqraf.com xəbər verir ki, bu barədə İqtisadiyyat naziri Şahin Mustafayev Azərbaycan-Türkiyə biznes forumunun açılışında deyib.

O bildirib ki, imzalanma növbəti yüksək səviyyəli görüş zamanı baş tutacaq.

Nazir qeyd edib ki, Azərbaycan Naxçıvanla Türkiyənin preferensial ticarətinin həcminin artmasına ümid edir:

“Türkiyə Azərbaycanın əsas ticarət tərəfdaşlarından biridir”.

Onun sözlərinə görə, 2018-ci ildə iki ölkə arasında ticarət dövriyyəsi 28 faiz artaraq 3,4 milyard dollara çatıb. Bu ilin ilk 7 ayı ərzində isə bu göstərici ötən ilin eyni dövrü ilə müqayisədə 33 faiz artaraq 2,3 milyard dollar təşki edib.


Müəllif: Teleqraf.com