Azərbaycanın neft hasilatında yeni rekord qeydə alındı

Azərbaycanda 2022-ci ilin birinci yarısına “Azəri-Çıraq-Günəşli” (AÇG) yataqlar blokundan ümumi neft və təbii qaz hasilatının 77 milyon barelə çatıb.

Teleqraf.com xəbər verir ki, cari ilin yanvar-iyun aylarında yataq blokunda ümumi hasilat sutkada 424 min barel olub.

Altı ayın sonunda 136 quyuda neft hasil edilib, 37 quyuda su, səkkiz quyuda isə təbii qaz vurulub. Bundan əlavə, AÇG səkkiz neft hasilat quyusunu tamamlayıb.

Hesabat dövründə AÇG ilk növbədə Səngəçal terminalına və SOCAR-ın “Neft Daşları” (Oil Rocks) obyektinə gündəlik 2 milyard kubmetr və ya orta hesabla 9 milyon kubmetr AÇG-yə qoşulmuş təbii qaz verib. Qalan səmt qazı lay təzyiqini saxlamaq üçün yenidən vurulub.

Şirkət AÇG əməliyyatlarına təqribən 229 milyon dollar əməliyyat xərcləri və 791 milyon dollar əsaslı sərmayə xərcləyib.

Bundan əlavə, 2022-ci ilin ikinci rübünün sonuna qədər “Azəri Mərkəzi Şərq” (ACE) layihəsi üzrə plana uyğun 75 faiz irəliləyiş qeydə alınıb.