17 Avqust 14:28
520
12 Punto 14 Punto 16 Punto 18 Punto

Almaniyanın noyabr ayı üçün nəzərdə tutulan qaz ehtiyatları üzrə hədəfi 95 faizdir. Lakin qaz anbarlarının doluluq səviyyəsinə çatması çətin olacaq. Əgər Rusiya qaz axınını tamamilə kəsərsə, bu ehtiyatlar yalnız 2-2.5 aya kifayət edəcək.

Teleqraf.com xəbər verir ki, bunu Almaniyanın Federal Şəbəkə Agentliyinin rəhbəri Klaus Mueller deyib.

O, hazırda anbarların doluluq səviyyəsinin 77% olduğunu bildirib: “Biz çənləri əvvəlkindən daha tez doldururuq, amma bu, rahatlaşacağımız anlamına gəlmir. Bu şəkildə də davam etməliyik”.

Mueller Agentliyin satınalmalarda bəzi sektorlara necə üstünlük veriləcəyi üzərində çalışdığını da qeyd edib: “Böhranın necə inkişaf edəcəyini bilmirik. İlk olaraq hansı istehlakçıların kəsintilərlə qarşılaşacağına dair dəqiqlik yoxdur. Şəffaf olmağa çalışırıq”.


Müəllif: Yeganə Oqtayqızı