“Bədənin saxtadır” deyənlərə Afaq elə cavab verdi ki… - Nəfəkəsən fotolar

Müğənni Afaq Aslan onu eybəcər olmaqda və tez-tez estetik əməliyyatlar etdirməkdə ittiham edənlərə cavab verib.

Teleqraf.com xəbər verir ki, məşhur müğənni bu barədə İnstaqram hesabında yazıb.

Çimərlik geyimində çəkdirdiyi yeni fotolarını paylaşan Afaq Aslan qeyd edib:

“Sözüm sözlərini öz adları ilə demək cəsarəti tapmayıb, bəzi xəbər saytlarının altında dəridən-qabıqdan çıxıb saxta profil arxasında şir-pələngə dönənlərədir. Mənim şəkillərim sizing yuxularınızı bu qədər ərşə çəkir ki, şəkillərimi görən kimi saxta profillərinizdən dörd əllə sarılırsınız.

“Bunun nəyi gözəldir”, “Bədəni başdan ayağa əməliyyatla yığılmadır” deyənlərə ayrıca sözüm var. Əməliyyat məsələsinə gəlincə, demişəm ki, bir qadın 30 yaşına qədər gənc və gözəldir, yəni 30 yaşına qədər estetik əməliyyatlara ehtiyac hiss etmir. Amma artıq 30 yaşına qədər olan gözəlliyini olduğu kimi qoruyub saxlaması üçün estetik əməliyyatlara üz tutursa, hər bir qadının hər yaşda baxımlı və qüsursuz görünməsi onun ən təbii haqqıdır.

Mən isə gizli-gizli ombasını şişirən, sinəsini şişirən, belini yığdıran, burnunu kəsdirən, saysız-hesabsız əməliyyatlar keçirən şou-biznes nümayəndələri kimi çıxıb efirdə “Allah məni belə yaradıb” demirəm”.