Nailə İslamzadə klipə çəkildi - Video

Əməkdar artist Nailə İslamzadə və müğənni Rəsul Əfəndiyev “Ana” adlı layihədə bir araya gəliblər.

Teleqraf.com xəbər verir ki, Rəsul Əfəndiyev sözləri Rafael Qafarova, musiqisi Fərid Kərimliyə məxsus bəstəni ekranlaşdırmaq üçün teleaparıcı ilə kamera qarşısına keçib.

Klipin quruluçu rejissoru və ssenaristi Rüfət Şahbazov, prodüseri Azər Kərimov, layihə rəhbəri Kənan Bayramovdur. Baş qəhrəmanların obrazları üzərində tanınmış modelyer Afaq İsmayılzadə çalışıb.

Mahnıda yer alan kamançanı əməkdar artist Elnur Kərimov, udu Kənan Tərlanoğlu, balabanı Nurlan Bəkirov ifa edib.

Ekran işi 8 Mart- Beynəlxalq Qadınlar Gününə həsr edilib.
Rəsul Əfəndiyev “Başda analar olmaqla bütün xanımların özəl gününü ürəkdən təbrik edirəm”-deyə, bildirib.