Kurt Kobeynin solo albomu işıq üzü görəcək

Noyabrın 6-da Amerika ekranlarına Nirvana qrupunun lideri Kurt Kobeynin həyatına həsr olunmuş "Montage of HEck" sənədli filmi çıxacaq.

Teleqraf.com xəbər verir ki, bundan öncə onu HBO kanalında nümayiş ediblər.

Eyni gündə filmin premyerası münasibətilə Kobeynin indiyədək eşidilməmiş ifalarından ibarət albom da işıq üzü görəcək. Materialı onun üçün musiqiçinin arxivində uzun müddət çalışdıqdan sonra filmin rejissoru Brett Morqen seçib. Morqen bildirib ki, Kurtun gitara ilə oxuduğu mahnılar da olacaq. "Bu tanınmayan, bəzən isə sona qədər işlənməmiş mahnılardır, ancaq bununla belə onlar möhtəşəmdir".

Qeyd edək ki, "Nirvana" qrupunun vokalisti olmuş Kurt Kobeyn 27 yaşında intihar edib.

Rüstəm