“Sərsəng”in durumu Brüsseldə müzakirə ediləcək

Milli Məclisin deputatı Cavanşir Feyziyev “Dondurulmuş münaqişə bölgələrində su problemi: Sərsəng su anbarı” mövzusunda keçiriləcək tədbirdə iştirak etmək üçün bu gün Belçikanın paytaxtı Brüsselə yola düşüb.

Teleqraf.com xəbər verir ki, toplantıda Ermənistanın təcavüzü nəticəsində Azərbaycanın işğal olunmuş ərazisində yerləşən Sərsəng su anbarının bölgə üçün əhəmiyyəti, hazırki durumu barədə fikir mübadiləsi aparılacaq. Baxımsızlıq üzündən dağılma ehtimalı olan su anbarının təhlükə mənbəyinə çevrilməsi, hər an baş verə biləcək faciənin qarşısının alınmasının vacibliyi diqqətə çatdırılacaq.