Ukraynanın Baş naziri istefa verdi

Ukraynanın Baş naziri Aleksey Qonçaruk istefa ərizəsi yazdığını, onu Ali Radaya göndərməsi üçün prezident Vladimir Zelenskiyə təqdim etdiyini bəyan edib.

Teleqraf.com xəbər verir ki, bu barədə o özünün “Feysbuk” səhifəsində bildirib.

“Mən bu vəzifəyə prezidentin proqramını yerinə yetirmək üçün gəlmişdim. O məndən şəffaflıq və ləyaqətlilik nümunəsi olmağımı istəmişdi. Ancaq prezidentə olan hörmətimizi və inamımızı şübhə altına almamaq üçün istefa məktubu yazdım və onu parlamentə təqdim etmək hüququ ilə prezidentə təhvil verdim”, – deyə o bildirib.