“Türk ordusu Ermənistana cavab verəcək” – Hulusi Akardan sərt açıqlama

Azərbaycan Müdafiə nazirinin müavini – Hərbi Hava Qüvvələri komandanı, general-leytenant Ramiz Tahirov Türkiyəyə səfərə gedib.

Teleqraf.com xəbər verir ki, o, Türkiyənin Milli Müdafiə naziri Hulusi Akarla görüşüb.

Görüşdə Ermənistan silahlı qüvvələrinin sərhədin Tovuz rayonu istiqamətində törətdiyi təxribat müzakirə olunub.

Türkiyə Müdafiə naziri, ordu generalı Hulusi Akar deyib ki, Ermənistan təxribatçı davranışlarının əvəzini ödəyəcək

General Azərbaycana qarşı təxribata əl atan Ermənistanın türk ordusuna cavab verəcəyini bildirib: “Ermənistan qurduğu tələyə özü düşəcək, bu tələnin altında qalacaq və mütləq etdiklərinin hesabını verəcək. Türkiyə Silahlı Qüvvələri nə lazımdırsa, onu edəcək”, - Hulusi Akar deyib.