Şimali Kipr Ermənistanın təcavüzünü pislədi

"Ermənistan ilə Azərbaycan arasında on illərdir həll edilməyən Qarabağ problemi təəssüf ki, yenidən qarşıdurmaya çevrilib".

Teleqraf.com xəbər verir ki, bunu Şimali Kipr Türk Respublikasının Prezidenti Mustafa Akıncı söyləyib.

"Azərbaycan ərazisinə yönəlmiş hücumları qınayır, dost və qardaş Kipr Türk xalqının Azərbaycan xalqı ilə həmrəy olduğunu bildirmək istəyirəm".

Qeyd edək ki, 1974-cü ildə başlanan Kipr Hərəkatı nəticəsində 1976-cı ildə Kipr Türk Federal Dövləti yaradılıb. 1983-cü ildə isə Şimali Kipr Türk Respublikası öz müstəqilliyini bəyan edib. Şimali Kiprin müstəqilliyi təkcə Türkiyə tərəfindən tanınır. 1992-ci ildə Naxçıvan Muxtar Respublikası ilə Şimali Kipr arasında münasibətlər yaranıb. Bakıda Şimali Kiprin rəsmi təmsilçiliyi fəaliyyət göstərir.